saat rangon ka jaama odhe,
suraj chacha sarpat dore,
door hua kala andhiyara,
sab chamke ho gya ujiyara,
goonj uthin panchiyon ki boli,
mishri si sargam hawa me gholi,
phoolon ne apni aankhen kholi,
khushbu ki pudiya fiza me udeli,
paedo ki hari bhari tehniyon pe,
aus ki boondon ke saj gaye hain gehne,
angdayi lekar sabne bistar chora,
har koi apne kaam ki aur dora,
ye sab to hai kudrat ka fera,
utho dekho ho gya savera..